Durrësi është një zonë me truall më të dobët dhe efekte atje janë më të mëdha, por nisur nga cikli kjo është energjia maksimale që është në këtë zone. Kështu përgjigjet sizmiologu Rrapo Ormeni në një lidhje telefonike me Abc News.
Ai tha se tërmeti i mëngjesit të sotëm do të shkruhet në histori. Sizmiologu Rrapo Ormeni informon se pas tërmetit të parë, janë regjistruar më shumë se 180 goditje, i fundit me një shkallë Magnitude prej 5 ballësh. Tërmetin e orës 03:45 Rrapo Ormeni e cilëson të fuqisë 8 ballë, pas llogaritjeve, pasi ndryshe llogaritet intensiteti dhe ndryshe magnituda.
Sizmiologu Rrapo Ormeni:
“Janë regjistruar mbi 180 goditje por karakteristikë është që kanë magnitudë më të vogël, që konsiderohen normale për këtë tërmet që do shkruhet në histori, njëlloj me tërmetet e shekullit të kaluar që konsiderohen të fortë që kanë rënë në Shqipëri në vitet ‘40 e ‘60 me 6.3 e 6.4. Ky konsiderohet pas tërmeteve të Dibrës 1967 me magnitudë 6.7 e të Shkodrës më 1979. Këto tërmete përsëriten nga 10-100 vjet. Në Durrës ka rënë një tërmet i kësaj madhësie.
Pllakat janë aktive lëvizin me disa cm në ditë, deformimet zmadhohen dhe kur vjen një moment që nuk mbajnë më dhe çlirohet në formën e tërmetit.
Ecuria e goditjeve po vjen duke u zvogëluar. Adriatiku është brezi më i fortë që ndodhin tërmetet se energjia që çlirohet është më e madhe dhe pastaj brezi Vlorë-Lushnje dhe Korçë-Peshkopi. Magnituda është energjia që çlirohet. Ky tërmet ishte mbi 8 ballë.
Numri i viktimave fatkeqësisht ka shkuar në 16, të trajtuar në spital janë mbi 600, 9 në gjendje më të rënduar.
Diskutime rreth kësaj post