Vankuveri në Kanada u përfshi nga protesta kundër masave kufizuese të marra në kuadër të luftës kundër pandemisë së koronavirusit.
Demonstruesit mbanin pankarta me mbishkrimet “Ndalesa e lëvizjes nënkupton kolaps ekonomik”, “Masat kufizuese dëmtojnë shoqërinë”, “Hiqni ndalesat” dhe “Izolimi i të sëmurëve është karantinë, kurse izolimi i njerëzve të shëndoshë tirani”.
Protestë e ngjashme është mbajtur edhe në Ontario dhe në SHBA, ku qytetarët kërkuan heqjen e masave ndaluese si distanca në shoqëri, karantina dhe mbyllja e kompanive, shkruan “AA”.
Disa demonstrues e quajtën virusin mashtrim, ndërsa disa të tjerë u ankuan se masat e ndërmarra janë shumë rigoroze.
Deri tani, në Kanada janë regjistruar 47.346 raste të infektuar me koroanvirus dhe 2617 viktima.
Diskutime rreth kësaj post