Kryeministri Edi Rama është pyetur ditën e sotme për programin e partisë socialiste për zgjedhjet e 25 Prillit. Rama ka thënë se fillimisht qytetarët duhet të krahasojnë fillimisht karakterin e ‘lidership-eve’ dhe karakterin e forcave politike dhe më pas programet.
Më tej Rama ka shtuar se PS do të prezantojë një platformë për Shqipërinë e vitit 2030, pasi sipas tij nuk pretendon që të merren në dorë punët në vend por për t’i përfunduar punët e Shqipërisë.
“Qytetarët duhet të ballafaqojnë karakteret njëherë pastaj programet dhe çfarë është bërë dhe kush mund të bëjë më shumë. Por fillo nga karakteri ‘lidership-it’ dhe karakteri i forcës politike. Kështu votojnë. Ne e kemi thënë me kohë që do ndajmë një platformë për Shqipërinë e vitit 2030. Ne nuk mund të flasim thjeshtë për një program elektoral për të marrë punët në dorë. Por për një vizion dhe për ecurinë e punëve. Për të ndarë bindjen tonë që vetëm ne jemi në gjendje për të bërë atë që qytetarët duan. Së shpejti do kemi mundësi ta ndajmë vizionin me qytetarët” – ka thënë Rama.
Diskutime rreth kësaj post