Lëkundjet e tërmetit të djeshëm janë shoqëruar me shqetësim dhe frikë nga ana e qytetarëve. e Sizmiologu i IGJEUM, Rexhep Koçi, tha se lëkundjet e djeshme janë pasgoditje të tërmetit të 26 nëntorit, si pasojë e të cilit humbën jetën 51 qytetarë.
Sipas tij, që nga tërmeti i vitit të shkuar deri dje janë regjistruar mbi 3 mijë tërmete, por fatmirësisht asnjëri prej tyre nuk e ka kaluar mangitudën 5 të shkallës Rihter.
“Po është i drejtë shqetësimi juaj dhe i mbarë publikut. Pas një periudhe qetësie, zona në veri të qyteti të Durrësit deri tek Kepi Rodonit pati një aktivizim. Lëkundja u shoqërua me një numër pasgoditjesh. Po! E gjithë situata që nga dje deri sot është një periudhë postërmetore që ka shoqëruar shpesh tërmetin e 26 nëntorit. Është një gjë që vështirë ta parashikosh. E gjithë gama e ngjarjeve të kësaj periudhe, që e kalon numri 3 mijë, duke përfshirë mikortërmetet, nuk e kanë kaluar mangitudën 4-5”, – tha ai.
Në fund, z. Koçi ftoi qytetarët të mos krijojnë panik dhe të mos frekuentojnë banesat, të cilat janë klasifikuar nga ekspertët si të pabanueshme.
“Njerëzit e përjetojnë akoma. Natyrisht shqetësimi ekziston, por ne rekomandojmë se njerëzit të mos panikohen. Ajo që ne duhet të këshillojmë është që: të gjitha godinat që janë vlerësuar të pabanueshme nuk duhet të frekuentohen nga njerëzit, për gjë të tjetër të mos kenë asnjë lloj frike dhe asnjë lloj paniku”, – tha ai për Euro News.
Diskutime rreth kësaj post