E konfirmon policia holandeze, personi i gjetur në kanal është shqiptari Festim Lato

Policia holandeze ka konfirmuar se trupi i gjetur të premten në kanalin Rhine të Amsterdamit i përket shqiptarit Festim Latos, 43 vjeç.

Ai është viktimë e një krimi raportoi policia holandeze të mërkurën.

Të premten pasdite, më 19 korrik, kalimtarët gjetën trupin e pajetë në kanalin Amsterdam-Rhein pranë një fshati në provincën e Utrehtit. Nga gjendja e trupit mësohet se viktima mund të ketë qenë disa ditë në ujë.

43-vjeçari ishte parë për herë të fundit më 13 korrik. Departamenti i hetimeve po kërkon informacione për të zbuluar kohën e vdekjes si dhe prova të tjera që mund të jenë të rëndësishme për hetimet.

Ka shumë spekulime lidhur me shkaqet e vdekjes dhe hetuesit janë treguar të rezervuar, shkruajne mediat vendase.