Ditën e sotme IKMT ka shkuar të prishë banesën e dy familjeve Llapaj dhe Dervishi në rrugën “Sami Frashëri”, përballë Fondit Shqiptar të Zhvillimit, në Tiranë. Dy familjet Llapaj dhe Dervishi, prej 22 vitesh janë sorollatur nëpër gjyqe, pasi pronën që e kanë blerë në 1993, por që kanë jetuar aty që prej 1953, po kërkon t’ua marri ish-pronari.
Mësohet se fëmijët e tyre kanë tentuar që të hidhen nga çatia e banesës. Kurse familjarët e tyre u kanë vënë flakën disa mbeturinave. Në vendin e ngjarjes ndodhen zjarrfikëset që po mundohet të fikin zjarrin. Një prej banoreve është shtatzënë dhe ka pasur kontraktime gjatë momenteve të tensionit.
Ndërsa disa prej banorëve të tjerë kanë dalë para makinave dhe kanë deklaruar se nuk do të lejojnë shembjen e banesës së tyre, për të cilën thonë se e kanë me dokumente të rregullta.Banorët deklarojnë se e kanë blerë këtë pronë që në vitin 1939 nga shteti, kohë edhe kur i është sekuestruar prona nga qeveria e kohës nga ish-pronarët.
Diskutime rreth kësaj post