Drejtuesi i fushatës së PD, Alfred Rushaj ka zbuluar strategjinë që po përgatit partia e tij për të mbrojtur votuesit më 25 prill.
Rushaj tha se PD ka ngritur struktura që kanë për qëllim mbrojtjen e votuesve.
Duke përmendur incidentin e regjistruar në Elbasan, ai u shpreh se po përgatiten për më të keqen.
“Janë ngritur struktura të mbrojtjes së votës në çdo zonë që mundohen të ndjekin dhe evidentojnë çdo lloj parregullsie dhe të Kodit Zgjedhor. Struktura po përgatitet edhe për mbrojtjen fizike të votuesve, të komisionerëve. Janë njerëz të gatshëm për të bërë detyrën e tyre për të mbrojtur çdo njëri që nuk mbrohet nga policia. Mendojmë se do të jetë një ditë e qetë, por po përgatitemi për më të keqen, ku do të jemi në mbrojtje të çdokujt që ka nevojë për mbrojtje.” – tha Rushaj në Vizion Plus.
Diskutime rreth kësaj post