Senatori amerikan, Lindsey Graham tha se nuk do të shokohej nga lajmi se despoti i Koresë së Veriut, Kim Jong-un ka vdekur. Madje ai tha se do të shokohej nga e kundërta, nëse do mësonte se ai nuk ka vdekur.
Komentet e tij vijnë në kohën kur spekulohet gjerësisht mbi shëndetin e liderit komunist. Graham, që shihet si një këshilltar i fuqishëm i politikës së jashtme të administratës Trump, ka komentuar vazhdimisht për çështjen e Koresë së Veriut.
Ai tha se pikëpyetjet për shëndetin e Kim Jong-un nuk duhen lënë pa përgjigje.
36-vjeçari Kim Jong-un është zhdukur nga 11 prilli dhe ka spekulime se ai ka vdekur dhe motra e tij 31-vjeçare bëhet gati t’i zërë vendin. Kim Jo-yong shihet si pretendente për të drejtuar shtetin, edhe pse emri i saj nuk është përmendur asnjëherë zyrtarisht nga Koreja e Veriut.
Një ditë më parë, nëndrejtoresha e një televizioni nga Hong Kongu tha se ka të dhëna të forta se Kim Jong-un ka vdekur. Kurse një gazeta japoneze raportoi se ai është në gjendje kome pas një operacioni në zemër që nuk shkoi siç duhet.
Mjekut që kreu operacionin po i dridheshin duart kur doli nga salla e operacionit, shkruan gazeta Mirror.
Dje pati raportime se treni me të cilin lëviz diktatori, ishte parë pranë një resorti.
Diskutime rreth kësaj post