Si pasojë e protestave, Sandër Lleshaj dha dorëheqjen nga posti i Ministrit të Brendshëm dhe Rama propozoi emrin e Bledi Çuçit, të cilin presidenti Ilir Meta e dekretoi brenda pak orësh. Pati spekulime se do të emërohej Taulant Balla dhe Elisa Spiropali, ndaj zgjedhja e Ramës ishte surprizë për të gjithë.
I pyetur nëse do të firmoste aq shpejt për emërimin e tyre nëse kryeministri do të kishte propozuar emrin e ndonjërit, Meta tha:
“Është përgjegjësia e kryeministrit të propozojë ministra dhe natyrisht është përgjegjësia e presidentit të konfirmojë apo jo kur ka arsye të karakterit kushtetues apo ligjor. Në këtë drejtim, kam qenë bashkëpunues, përveç atyre rasteve që prekej kushtetuta, ku kam pasur arsye të mjaftueshme që i kam sqaruar publikisht për të mos vënë besimin e duhur. Për emrat që zgjidhen apo përzgjidhen, kjo është një çështje që nuk ka të bëjë me vlerësimet e karakterit moral apo politik nga ana e Presidentit. Këtë vlerësim e bën kryeministri apo partia që propozon dhe opinioni publik. Për presidentin është e rëndësishme gjithmonë që të ketë arsye kushtetuese apo ligjore serioz”, tha ai për Fax News.
Diskutime rreth kësaj post