Pas takimit që pati me kryebashkiakët, Rama ka mbledhur në kryeministri ministrat, të cilët i paralajmëroi se çdo rast abuzimi me tenderat do shkojë në SPAK.
Gjatë fjalës së tij, Rama e cilësoi paketën e re ligjore të prokurimit publik, një hap me rëndësi për rritjen e eficencës dhe transparencës së sistemit të prokurimeve në vend.
Kryeministri u shpreh se 70% e tenderëve të bërë kanë pasur probleme, ku pjesa më e madhe ka pasur probleme sa i takon hartimit të kritereve.
“Mos ti hahet haku askujt, kush e ka me hak ti marri hakun, kush nuk e ka me hak mos ti marri hakun e dikujt tjetër. Është shumë më e lehtë të thuhet se të bëhet se procesi është i ndërlikuar, për të cilin BE kërkon rrugë me mjete ligjore për ta përsosur, por ama është e mundur objektivisht e mundur që në një kohë të shkurtër ky shtet të kalojë në një nivel tjetër.
Në radhe të parë duke garantuar që çdo institucion të funksionojë si hallkë dhe jo si bajrak. Dhe duke funksionuar kështu, bëhet si një zinxhir ku komunikimi garantohet 100%. Sikur në një rast të vetëm rekomandimet të bien në një vesh të shurdhër sa të mos ketë përgjigje, a thua se agjencia e prokurimit publik i hedh në shishe, çdo rast i tillë do shkojë në SPAK nga kjo godinë këtu. Pastaj a është i qëllimshëm, a është injorancë, kjo çështje ka indiferentët përkatës ta shpjegojnë duke marrë avokat me vete.”, – u shpreh Rama.
Diskutime rreth kësaj post