Sot, më 20 maj, kur do të kishte festuar ditëlindjen e saj, Ilaria Sula është përkujtuar për tragjedinë që i mori jetën, ndërsa një zhvillim i ri i ka dhënë një kthesë dramatike hetimit të vrasjes së saj.
Mark Samson, 24-vjeçari filipinas i cili akuzohet për vrasjen e studentes shqiptare, ka revokuar caktimin e avokatit Fabrizio Gallo, i cili kishte luajtur një rol kyç në ndihmën që i dha për të bashkëpunuar me policinë dhe për të çuar në gjetjen e telefonit të Ilaria Sulës.
Ngjarja e rëndë e vrasjes së Ilaria Sulës ndodhi më 25 mars, kur Samsoni e vrau dhe e hodhi trupin e saj nga një shkëmb në Capranica Prenestina, pas një debati që kishte me 22-vjeçaren në shtëpinë e tij. Fillimisht, ai kishte gënjyer në version e dhënë, duke thënë se kishte hedhur telefonin e saj në një pus, por telefoni i viktimës u gjet vetëm një muaj më vonë, nën dyshekun e prindërve të tij, pas bashkëpunimit të Samsonit me autoritetet, si rezultat i këshillës së avokatit Gallo.
Në një zhvillim të fundit, Mark Samson ka vendosur të revokojë mandatin e avokatit të tij, një vendim që ka shkaktuar shumë polemika, shkruan La Repubblica.
Avokati Gallo ka shpjeguar se ai e kishte këshilluar të pandehurin të thoshte të vërtetën, duke besuar se kjo do të sillte një proces më të drejtë dhe më të besueshëm. Ai e ndjeu një përgjegjësi të madhe për të siguruar një gjykim të drejtë, përkujton duke nënvizuar vrasjen e Ilaria Sulës si një ngjarje të rëndë dhe të padrejtë.
Përveç Samsonit, hetimi përfshin edhe nënën e tij, Nors Manlapaz, e cila dyshohet se ka ndihmuar të birin të pastronte gjurmët e gjakut në shtëpinë e tyre. Ky zhvillim i ri mund të ketë pasoja të mëdha për mënyrën sesi do të zhvillohet gjyqi i Samsonit.
Ndërkohë, sot, më 20 maj, ndërkohë që të gjithë ata që e kanë njohur Ilarianë përkujtojnë humbjen e saj tragjike, ky është një moment për të reflektuar mbi dhunën që ka shkatërruar një jetë të re dhe mbi rëndësinë e drejtësisë për viktimat e dhunës.
Diskutime rreth kësaj post