Deputeti Halit Valteri ka komentuar caktimin e drejtuesve politikë në qarqe të Partisë Demokratike. Ai ka kritikuar edhe emërimet e PD-së duke thënë se janë caktuar njerëz që nuk e kanë idenë e zonës.
Ai ka hedhur disa thumba në drejtim të drejtuesit politik të PD-së në Dibër, Xhelal Mziut, duke thënë se ka ardhur me këpucë me baltë dhe tani lëviz me makinë tip “Maybach” 200 mijë euro.
“I kemi parë që zihen si ‘qen’ me njëri-tjetrin dhe bashkëpunojnë me të njëjtët oligarkë dhe ndajnë fitimet. Njerëzit janë të lodhur nga këto surretër që drejtojnë vendin. Monika i kërkonte gjithmonë ryshfet. Lulzim Basha i sillte Xhelal Mziun ka ardhur me këpucë me baltë dhe lëviz me makinë “Maybach” 200 mijë euro. Dhe unë qytetarëve u kam thënë që një zë i fortë i tyre në vendin Të gjithë këtë teatër në politikën shqiptare shqiptarët e kuptojnë. Dhe unë kam një thirrje për të gjithë, sidomos të rinjtë: Që të bëjmë objekt i largimit nga Shqipëria duhet të kuptojmë rëndësinë e atyre 4 sekondave kur votojmë”, tha deputeti.
Sipas Valterit, këta persona rrinë me trastë në shpinë duke shkuar sa në një qark në tjetrin.
“Xhelal Mziu të ishte rehat e mirë, të rrinte aty në Kamëz ku ka 12 vite. Për këta njerëzit që rrinë me trajsa në krahë do të tregoj diçka. Ky është problemi i delegimit të kryetarëve, këta janë njerëz që rrinë gjithë kohës me trajsa në krah, sa në një qark në një qark tjetër. Trajsa në krah quhet nuk u zë vënd. Një palë zgjedhje kandidojnë në Fier, një palë zgjedhje në Dibër, një palë në Elbasan. Nuk vendosin figura. Gënjejnë sa gënjejnë. Ndërrojnë numrin e telefonit një vit para zgjedhjeve dhe dalin nga ajo zonë, se nuk i pranojnë më dhe shkojnë në zona të tjera. Dibra dhe dibranët, do dinë ta vlerësojnë dhe peshojnë me vota. Ndoshta nuk votojnë as Olta Xhaçkën dhe as Xhelal Mziun, por ka njerëz të tjerë”, tha Valteri.
Diskutime rreth kësaj post