Të pasurit me mbiemrin Messi në Argjentinë nuk kanë përfitime apo paprekshmëri përpara ligjit.Vërtetimi i kësaj vjen këtë të premte, pasi është mësuar zyrtarisht vendimi i një procesi gjyqësor të zhvilluar ditën e djeshme në Gjykatën e Rosarios, rreth 300 km në veri të Buenos Airesit.
Në fakt nuk bëhet fjalë për Lionel Messin, lojtarin e Barcelonës, 5 herë fitues të “Topit të Artë”, por për vëllanë e tij, Matias Messi.
Ai është fëmija më i madh në familjen e futbollistit argjentinas, por është dënuar me dy vite e gjysmë burg për armëmbajtje pa leje.
Më 30 nëntor të vitit të kaluar, Matias Messi u ndalua pasi u shpëtua nga një varkë që ndiqte rrjedhën e një lumi.Atij iu gjet një armë e kalibrit 380, por vëllai i futbollistit nuk ishte në gjendje të shpjegonte motivin e zotërimit të saj.
Diskutime rreth kësaj post