Ish-kryetarja e Bashkisë Shkodër, Voltana Ademi, duket e vendosur për të mos njohur zgjedhjet dhe kryetarin e ri të bashkisë së dalë prej tyre.
Ademi sot ka postuar disa foto në rrjetet sociale ku shihen punimet që po bëhen në një rrugë në Shkodër. Ademi në postimin e saj shkruan se këto janë punimet në rrugën “Udhëkryq” në Shkodër, dhe uron qytetarët për këtë rrugë të re.
“Rruga #Udhakryq dhe degëzimet e saj në lagjen 1 në qytet, një investim i domosdoshëm në një lagje të vjetër të Shkodrës. Investimi i Bashkisë Shkodër, me ndikim direkt në standartin e jetës së qindra familjeve qe banojnë në këtë rrugë, por edhe atyre që e shfrytëzojnë atë. Cilësi dhe respektim i projektit të plotë, që nga infrastruktra nëntokësore, ajo mbi tokë dhe sinjalistika. E gëzofshim të gjithë bashkë! Të diel të qetë për të gjithë!”, shkruan Ademi.
Valdrin Pjetri është kryetari i ri i Bashkisë Shkodër. Pjetrit i është njohur mandati dhe nga Gjykata e Shkodrës. Ademi nga ana e saj ka deklaruar se nuk lëshon zyrën dhe se nuk e njeh Pjetrin si kryetar.
FOTO:
Diskutime rreth kësaj post