Një 27 vjeçar i maskuar me maskë kirurgjie dhe i “armatosur” me një pistoletë çakmak ka vjedhur me dhunë një supermarket këtë mesditë, por shumë shpejt është arrestuar nga policia.
Autoritetet kanë publikuar videon e momentin kur hajduti hyn në market dhe shtyn dhunshëm shitësen nga arka. Më tutje marr paratë dhe largohet me shpejtësi nga ngjarja.
Ndërhyrja në kohë e Policisë së Durrësit kap në flagrancë autorin e vjedhjes me dhunë të një marketi nën kërcënimin e një pistolete lodër.
Sekuestrohet pistoleta çakmak, sasia e parave të vjedhura, një maskë kirurgjie dhe doreza.
Specialistët për Krimet në Komisariatin e Policisë Durrës në bashkëpunim me Forcat Shqiponja, mesditën e sotme sapo kanë marrë njoftim që është vjedhur me dhunë një market kanë organizuar menjëherë shërbimet duke bërë të mundur kapjen dhe arrestimin në flagrancë të shtetasit: K. B 27 vjeç, banues në Durrës.
K.B në lagjen Nr.8 Durrës ka vjedhur me dhunë nën kërcënimin e një pistolete tip çakmak marketin në pronësi të shtetasit S.M.
Janë gjetur dhe sekuestruar në cilësinë e provave materiale: pistoleta tip çakmak; maskë kirurgjie; doreza; sasia e lekëve të vjedhura ( 79 300 lekë të reja). Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja me dhunë”, parashikuar në nenin 139 të Kodit Penal.
Video:
Diskutime rreth kësaj post