CR7-Juventus, afrohet ora e së vërtetës. Mendes kontakton gjigantët e Europës

Ora e vendimit për të ardhmen e Cristiano Ronaldo-s tek Juventus, po afrohet. Menaxheri Jorge Mendes do të takohet shumë shpejt me drejtuesit bardhezinj, sipas Corriere dello Sport.

Juventus pret që CR7 të marrë një vendim përfundimtar, në mënyrë që të vazhdojë të planifikojë merkaton.

Klubi e konsideron në qendër të projektit, por në orët e fundit janë kthyer sirenat franceze me kontakte të mundshme mes Mendes dhe PSG.

Rruga franceze duket e vetmja e mundshme për të imagjinuar një lamtumirë të CR7 nga Juventus.

Nga një aspekt ekonomik, por edhe për sa i takon projektit sportiv, që portugezi e konsideron më interesant, veçanërisht pas përforcimeve të fundit të PSG-së.