Pandemia e koronavirusit po përhapet në të gjithë botën me hapa galoponte dhe nga dita në ditë rritet numri i të prekurve dhe i atyre që ndërrojnë jetë.
Organizata Botërore e Shëndetësisë hedh poshtë perceptimin se COVID-19 vret vetëm të moshuarit dhe paralajmëron me zë të lartë.
“Koronavirusi nuk vret vetëm të moshuar. Ka raste të të rinjve të shëndetshëm që kanë pësuar komplikacione të rënda” – ka thënë Drejtori i përgjithshëm i OBSH-së Tedros Adhanom Ghebrejesus.
Numri një i OBSH-së do të kujtojë se ka një numër domethënës të rinjsh që kanë humbur jetën nga koronavirusi.
Gjithsesi Tedros Adhanom sqaron se COVID-19-ta është një sëmundje shumë më e rrezikshme për të moshuarit por që të gjithë duhet ta evitojmë.
Drejtori i përgjithshëm i OBSh këmbëngul se qëndrimi në shtëpi është mjeti më i mirë për të luftuar koronavirusin.
Diskutime rreth kësaj post