Çmendet moti, ndryshimet klimaterike kanë bërë që Europa të shënojë rekorde të paregjistruara më parë

Ekspertët europianë të klimës bënë të ditur se kontinenti ynë ka përjetuar dimrin më të nxehtë të regjistruar ndonjëherë.

Shërbimi i Ndryshimit të Klimës (C3S) bëri të ditur se mes dhjetorit 2019 dhe shkurtit 2020 temperaturat ishin 3.4 gradë celsius mbi mesataren e stinës, krahasuar me vitet 1981 dhe 2010.

Si dhe ishin 1.4 gradë më tepër se dimri më i ngrohtë i regjistruar ndonjëherë, ai i viteve 2015-’16.

Sipas ekspertëve, situata nuk mund t’i atribuohet vetëm ndryshimeve klimaterike, por nuk përjashtohet kontributi i tyre në këto ndryshime anormale për sezonin.