Ish-kryeministri Sali Berisha, ka thirrur sot mbledhje të Kryesisë së Partisë Demokratike. Në fillim të mbledhjes, Berisha bëri një përmbledhje të të gjithë procesit të primareve për zgjedhjen e kandidatëve për zgjedhjet e ardhshme vendore.
Sipas Berishës, në Primare votuan mbi 55 mijë anëtarë të Partisë Demokratike. Ish-kryeministri u shpreh se kjo shënon një rritje me 15% në pjesëmarrje për votime brenda PD-së.
Berisha: Kjo mbledhje është thirrur në një moment shumë të rëndësishëm, si në rrafshin elektoral dhe politik. Përfunduan me sukses, përveçse në dy degë, zgjedhjet e kandidatëve për qytetarë të parë të bashkive të vendit. Ky ishte një proces i cili zhvillohej për herë të parë në këtë proporcion, me këtë transparencë dhe pjesëmarrje. PD në përputhje me përcaktimet e statutit të rithemelimit të 11 dhejtorit, bëri realitet premtimin e saj dhe sanksionimin e saj, se të zgjedhurit, pushtetarët vendor do zgjidheshin me votën e anëtarësisë së saj.
Në garë pati mbi 200 kandidatura. Në tërësi, veprimtarë të shquar të PD-së, por në garë morën pjesë veprimtarë të shoqërisë civile. Përfaqësues ekselentë të shqiptarëve në emigracion. Në këtë garë, realisht e para me këto standarde, në historinë e vendit. Votuan për kandidatët e qytetarëve të parë rreth 55 mijë anëtarë dhe simpatizantë të PD-së. kurrë ndonjëherë në këtë parti, kaq vota nuk janë hedhur. Ky votim tejkaloi me 15% të gjitha votimet e tjera. Duhen falenderuar të gjithë kandidatët që garuan. Është rast për të shprehur mirënjohje të thellë të gjithë atyre që organizuan fushatën e tyre. Të gjithë atyre që morën pjesë në votim dhe i siguroj se komisioni i menaxhimit të zgjedhjeve, do studiojë tërësisht procesin që kaloi, me qëllim përmirësimin e mëtejshëm të këtij procesi.
Procesi ka patur në tërësi, konkurrencë të ndershme. Në një rast, komisioni ndërhyri për të mbajtur qëndrimet e duhura. Asgjë nuk mund të cenojë qytetarinë e këtij procesi. Standardet me të cilat u zhvillua. Për kuriozitetin tuaj, në këtë garë ka patur diferenca në vota midis kandidatëve, por ka patur raste që kanë qenë të ngushta deri në 1 votë. Në rastin konkret, kam kënaqësinë të them se në takimet me ta, ata kishin të njëjtin qëndrim dhe mendim. Gjë që përbën dëshmi të një shkalle përgjegjësie politike, civiliteti, maturiteti dhe në tërësi, kjo ka qenë fryma me të cilën u mbyll gara.
Diskutime rreth kësaj post