Kryetari i grupit parlamentar të PS, Taulant Balla pas përfundimit të mbledhjes me kryeministrin Rama dhe drejtuesit e qarqeve, u pyet nga mediat edhe për largimin e Sandër Lleshajt nga drejtimi politik në qarkun e Lezhës.
Balla tha se në këtë qark PS do të fitojë 4 mandate, ndërsa për Lleshajn tha se punën si ministër e ka bërë shumë mirë.
“Së pari duhet të them që PS e Shqipërisë në mënyrë të vazhdueshme ka përzgjedhur dhe ka bërë ndryshime në drejtimin politik të qarqeve. Nuk dua të le asnjë ekuivok në përgjigje ndaj pyetjes tuaj, pasi gjithë ky ujë që zien kazani nuk ka të bëjë me perforacion e Lleshaj si drejtues politik. Ai është një ministër shumë i mirë dhe ka performuar shumë mirë në krye të ministrisë së Brendshme. Në Lezhë PS do të marrë 4 mandate”, – tha Balla.
Largimi i Shahinit?
“PS ka bërë reformën më të thellë në sistemin arsimor shqiptar duke e depolitizuar procesin e emërimeve të ndyra në shkolla mësuesit shqiptarë sot janë më të qetë se kurrë. Aktualisht çdo mësues që rekrutohet sipas meritës. Shqipëria që duam është Shqipëria që nuk ka lidhje me emërime partie.”, – u shpreh Balla.
Diskutime rreth kësaj post