“Çfarë do bënit nëse PD do humbte zgjedhjet?”, gazetari i bën 6 herë të njëjtën pyetje, ja si i përgjigjet Bardhi

Gjatë një interviste Gazment Bardhi është pyetur 6 herë se çfarë do bënte ai si numri dy i PD nëse kjo parti humbet zgjedhjet e vitit 2021? Në fakt Bardhi ka këmbëngulur që PD fiton dhe nuk e mendon se do humbasë. Por përsëri gazetari e ka bërë pyetjen e njëjtë se çfarë do të bënte ai personalisht nëse PD humbet zgjedhjet në vitin 2021.

-Zoti Bardhi, çfarë do bëni ju personalisht nëse PD humbet zgjedhjet?

-PD do fitojë bindshëm zgjedhjet e ardhshme.

-Çfarë do bënit ju nëse PD humbet zgjedhjet?

-Si sekretar i përgjithshëm kam akses të përmuajshëm në të dhënat që përpunohen nga vrojtimet qytetare.

-Dhe çfarë do bënit ju nëse PD do humbte zgjedhjet?

-Nuk ka asnjë shans që PD të humbsë.

-Zoti Bardhi, çfarë do bëni ju nëse PD humbet zgjedhjet?

-Viti 2017 ishte një vit i mbrapshtë për Shqipërinë përsa i përket standarteve zgjedhore…

-Nuk iu përgjigjët pyetjes sime Zoti Bardhi…

-Dhe besoj biem dakord të dy që ishte procesi më skandaloz… i standarteve zgjedhore.

-Zoti Bardhi, nuk iu përgjigjët pyetjes sime, nëse PD humbet zgjedhjet, çfarë do bëni ju?

– ….i standarteve zgjedhore. Ndaj përgjigjia ime për herë të gjashtë është se PD nuk i humbet zgjedhjet e ardhshme.