Çështja e ‘nxehtë’ e detit me Greqinë, flet Presidenti Meta dhe zbulon rolin e tij: Kujdes me deklaratat

Presidenti Ilir Meta ka folur nga Vlora për çështjen e ‘nxehtë’ të detit me Greqinë, e cila pretendon të zgjerohet me 12 milje.

Meta tha se sjellja e tij do të jetë vetëm shtetërore dhe kushtetuese duke i ftuar të gjithë të jenë të kujdesshëm si me sjelljen ashtu dhe me deklaratat e tyre.

“Për këtë çështje që ju ngritët mendoj se sjellja ime ka qenë dhe do të jetë gjithmonë vetëm shtetërore, vetëm kushtetuese dhe tërësisht e përgjegjshme dhe i ftoj të gjithë të jenë të kujdesshëm në sjelljen e tyre aq më tepër në publik në mënyrë që qoftë edhe padashje të mos bëjnë deklarata të cilat mund të përdoren nesër në dëm të Shqipërisë nga kushdo”, – deklaroi Meta.