Lidhur me zyrtarizimin e vendimit të Greqisë për zgjerimin e ujërave territoriale në veri të Detit Jon pranë Shqipërisë nga 6 në 12 milje, ka folur edhe ish drejtuesin e administratës detare shqiptare Gazmir Tahiri. Ai i cilëson shqetësuese deklaratat e kryeministrit grek.
Tahiri shprehet se kjo deklaratë nënkupton që zgjerime të tjera na presin dhe teorizimi që së fundmi i është bërë nga mediat greke për shqyrtimin e Sazanit është një interpretim katastrofik për realitetin shqiptar.
Gazmir Tahiri për RTV Ora: Menjëherë pas vendimit kryeministri grek Mitsotakis ka dalë dhe ka deklaruar se ky është vetëm fillimi. Pra zgjerime të tjera na presim. Ajo çka është më shqetësuese në deklaratën e Kryeministrit Mitsotakis, po shkohet dhe është përmendur dhe në disa media greke, shqyrtimi i një opsioni të një arkipelagu ishujsh. Që fillojnë nga poshtë dhe përfundojnë deri në Sazan dhe po teorizohet që dhe Sazani është pjesë e këtij arkipelagu,çka do ishte realisht një interpretim katastrofik për realitetin shqiptar. Këto janë kambana serioze alarmi të cilat bëjnë që të lëvizim nëse kemi qenë në pasivitet. Dhe unë nuk e kuptoj se ç’është ky pasivitet i autoriteteve shqiptare për arsye se çdo gjë është në dritë të kuqe.
Diskutime rreth kësaj post