Kreu i LZHK-së, Dashamir Shehi ka deklaruar se nuk e sheh aspak premtuese krijimin e Ministrisë së Rindërtimit. I ftuar në RTV Ora, Shehi ka akuzuar Ramën se po shkatërron institucionet publike duke caktuar njerëzit e tij në punët shtetërore.
‘Ka shkuar tamam aty ku duhet. Cakton miqtë e vet në punët e shtetit. Edhe ky Çuçi që ka vënë për gjendjen e jashtëzakonshme. Bëhet reforma administrative është Çuçi, bëhet reformë zgjedhore është Çuçi, bie tërmeti është Çuçi. Sa herë që është Çuçi, se mund të jetë dhe djalë i mirë, nuk është asnjëri, është vetë Rama.
Edhe për rindërtimin këta do të mbledhin fondet, këta do ti numërojnë, këta do ti ndajnë, por nuk po i paragjykoj se është fazë e dytë. Ne kërkojmë të zbatojë ligjin për emergjencat civile’, ka thënë Shehi.
Ish deputeti demokrat ka theksuar se në gjykimin e tij Ministria e Rindërtimit është e panevojshme si dhe ka akuzuar Ramën se po bën fushatë me fatkeqësinë e njerëzve të prekur nga tërmeti.
‘Hiç. Këta kanë filluar fushatën, ky bën fushatë mëngjes për mëngjes. Një popull që i ka prish tërmeti shtëpinë bën edhe budalliqe, i puth dorën, sikur ky është Mesia dhe do zgjidhë tërë hallet e Shqipërisë. Ky duhet të caktojë sipas ligjit strukturat, duhet të mbajë përgjegjësi sipas ligjit dhe të zgjedhë prioritetet. Cila janë? Gjithë njerëzve tu gjejmë nga një çati sipër, një shtrat poshtë dhe tre vakte.Nuk po kanë zotësinë nuk po them se kanë keqdashje. Nga sot deri për Vit të Ri çfarë kanë ndërmend të bëjnë këta? Përveç teatrove të kota. Kanë filluar të mendojnë për rindërtimin, por prit të numërojmë sa janë shembur, sa na kushtojnë’, ka përfunduar Shehi.
Diskutime rreth kësaj post