Është ndërprerë mbledhja maratonë e përfaqësuesve të partive politike për reformën zgjedhore, që prej 7 orësh u mbajt në Rezidencën e Ambasadës së SHBA në Tiranë.
Palët kanë vendosur të bëjnë rreth një orë e gjysmë pushim, për t’u ritakuar sërish në orën 20:30. Më pas pritet të ketë edhe një deklaratë për media.
Pas përfundimit të takimit, Oerd Bylykbashi dhe Petrit Vasili kanë shkuar në selinë blu ku pritet të zhvillojnë konsultimet lidhur me diskutimet e bëra gjatë 7 orë takimi në rezidencën amerikane.
Në selinë e PD pak minuta më pas ka ardhur edhe kryetarja e LSI, Monika Kryemadhi.
Kryemadhi është parë qartë duke çaluar dhe me dhimbje në fytyrë edhe pse në një moment u ka buzëqeshur dhe ka përshëndetur me dorë gazetarët.
FOTO:
Diskutime rreth kësaj post