Ish-Kreu i Këshillit Kombëtar të Partisë Demokratike Bujar Nishani ka treguar një kuriozitet për takimet me anëtarët e PD-së, gjatë fushatës për kreun e PD. Ai tha që 80% e anëtarëve flisnin ndryshe gjatë takimeve dhe ndryshe në kafene, aty ku flisnin më hapur për problemet e tyre.
“Do t’ju them një kuriozitet. U përfshiva në fushatën e kryetarit të PD. Konstatova që 80% e anëtarësisë që ne takuam flisnin ndryshe në takimin formal dhe ndryshe në kafene. Në kafene fliste si qytetarë i lirë, siç flasin shumica dërrmuese e qytetarëve. PD është një vlerë e të gjithë popullsisë. Shumica e qytetarëve thonë se situata në PD është kaotike, në krizë.
Përgjegjës për këtë është vetëm Lulzim Basha. Edhe njerëz të afërt të Lulzim Bashës thonë se ky nuk bën, në kuptimin politik. Beteja më e madhe që ka PD ditën e sotme është beteja me të vërtetën. Nëse vazhdojmë ta mohojmë të vërtetën, ne po i bëjmë një dëm të madh PD dhe Shqipërisë”, tha Nishani për Fax News.
Diskutime rreth kësaj post