Kryeministri Edi Rama ka reaguar për herë të parë për tensionet në Veri të Kosovës duke e cilësuar përshkallëzimin krejtësisht të paarsyeshëm. Teksa mbështeti vendimin e Albin Kurtit për të dëgjuar aleatët dhe për të shtyrë zbatimin e aplikimit të reciprocitetit të targave dhe mjeteve të identifikimit për shtetasit serb, Rama bëri thirrje publike për presidentin serb, Aleksandër Vuçiç dhe autoriteteve të Beogradit që të mos justifikojnë veprimet e grupeve serbe. Ai tha se kur luftrat që nisin si stuhi në gotë dhe mund të kthehen në luftra ballkanike.
“Të mos ushqejnë me asnjë lloj justifikimi apo alibie grupe të caktuara në veriun e Kosovës që për arsyet e tyre i kundërvihen zbatimit të një marrëveshje. Si mundet të bindim Spanjën dhe vendet të tjera që të pranojmë të fusin Kosovën në NATO kur ata nuk e njohin përveçse duke e shtyrë një proces ku njohja të vijë si rezultat i dialogut. E imagjinoni që Rusia deri dje ishte në Partneritetin për Paqe të NATO-s dhe Serbia është në Partneritetin për Paqe të NATO-s dhe nuk e fusim dot Kosovën.
Kosova në NATO është vizion strategjik, ndërsa luftërat që nisin si stuhi në gotë dhe mund të kthehen në luftëra ballkanike nuk janë vizion strategjik por dritëshkurtësi nacional folklorike. Unë besoj shumë fort tek Ballkani i Hapur dhe intensifikimi i marrëdhënieve rajonale dhe fuqia e njerëzve kur ulen rreth një tryeze edhe kur janë në pozicione komplet të kundërta. Asgjë nuk vjen nga qëndrimi në distancë e me kurriz veçse moskuptimi i arsyeve të tjetrit”, tha ai.
Diskutime rreth kësaj post