Benzema rinovon kontratën me Realin, klauzola e largimit është e frikshme

Futbollisti francez Karim Benzema ka rënë dakord të rinovojë kontratën me Real Madridin edhe për dy sezone të tjera.

Benzema, i cili aktualisht është golashënuesi i pestë më i mirë në historinë e klubit, i është ofruar një kontratë e re nga drejtuesit e klubit madrilen (deri në qershor 2023).

Gazetari Fabrizio Romano konfirmoi këtë mëngjes se kontrata mes Benzema dhe Real Madrid është nënshkruar dhe se procedura e plotë është ndjekur. Së shpejti do të ketë një konfirmim zyrtar.

Francezja “L’Equipe” raportoi mbrëmë se klauzola e largimit të Benzemas kap shifrën e 1 miliard euro.