Kreu i opozitës Lulzim Basha është shprehur për herë të parë në lidhje me arsyet që e kanë çuar Fatmir Xhafajn që të largohet nga posti i Ministrit të Brendshëm.
I ftuar në emisionin Zonë e Lirë, Basha deklaroi se Fatmir Xhafaj është viktimë e përplasjes mes bandave që funksionojnë në kampin e majtë. Kretari i PD-së thekson se Ministrin e Brendshëm e ka hequr Edi Rama, sepse Xhafaj nuk ishte nën kontrollin e plotë të tij, ashtu siç do të jetë Ministri i ri Sandër Lleshi.
Cani: Pse e hoqi Fatmirin? Thonë se e ka sharë shumë dhe ai nuk duroi dhe iku…
Basha: Përplasje klanesh politike dhe bandash të fuqishme kriminale qëndrojnë pas tyre. Xhafa është pjesë e një klani dhe një bande. Qëndrimi i Ramës është një qëndrim i një njeriu që përpiqet të kufizojë dëmin. Ai mbrojti Dakon, sepse ai, Dako, sot duhej të ishte në burg.
Dako është një njeri i cili e ka bërë të kërcënojë Xhafën…
Cani: Ç’lidhje ka Dako me Xhafën?
Basha: Fatmiri, Donika, Veliu dhe një sërë zyrtarësh të lartë, po përdoren në këtë luftë të brendshme pulitke, ku nga njëra anë mbrohet Ministri i brendshëm, dhe nga ana tjetër fillon shpalosja e një dosje tjetër që mund të rrezikojë një njeri tjetër të Ramës. Ai e hoqi Fatmirin se ai nuk ishte 100% nën kontrollin e Ramës, siç do të jetë Sandër Lleshi.
Xhafa është viktimë e një bande ku bën pjesë vetë. Pra është prish pazari i hajdutëve. Rama është kapoja e kësaj organizate.
Cani: S’ke frikë nga këto shpifje?
Basha: Ai dhe policinë e mendimit të krijojë nuk e mbron dot veten nga e vërteta. Mirë është të mos trembë asnjë, se mua nuk më tremb.
Diskutime rreth kësaj post