E ftuar ditën e sotme në Zona Zero në Top Neës ka qenë deputetja e Partisë Demokratike Albana Vokshi. Në fjalën e saj Vokshi është pyetur për zgjedhjet e reja që janë hapur në partinë opozitare për Lidhjen Demokratike të Gruas. Një lajm ky i konfirmuar një ditë më parë nga deputetja e PD-së Grida Duma.
Vokshi ka theksuar se nuk njeh asnjë vendim nga kryetari i shkarkuar Lulzim Basha. Ndër të tjera sipas saj kjo është një situatë jo vetëm ilegjitime dhe antidemokratike por edhe që të bën për të qeshur dhe qarë njëkohësisht.
Deklarata e Vokshit:
“Çdo vendim i dalë nga kryetari i shkarkuar dhe grupet që ai ka krijuar, janë ilegjitime dhe astatutore.
Ky është një akt antidemokratik. Është për të qeshur dhe për të qarë në të njëjtën kohë. Sepse ata i referohen një neni për zgjedhjen e kryetarit të PD por çlidhje ka kjo me LDG apo FRPD.
Lulzim Basha dhe të gjitha ato që i rrinë Bashës përreth kanë një gjakftohtësi dhe urrejtje për të shkatërruar çdo gjë në PD. Por si mund t’ia bësh këtë gjë PD?”– tha Vokshi.
Diskutime rreth kësaj post