Basha kryeson me 81% të votave, kjo është bashkia e vetme që humbi

Kreu aktual i Partisë Demokratike Basha, ka arritur të marrë një mandat të tretë, pasi është konfirmuar bindshëm në krye të partisë së tij për herë të tretë radhazi me 81% të votave. Pas tij më i votuari ndër kandidatët është renditur Agron Shehaj me 14.8%. Ndërkohë që Fatbardh Kadilli ka fituar 1.8% të votave dhe Edit Harxhi ka marrë 2.4 %.

Sipas shifrave zyrtare të publikuara nga Partia Demokratike 54.5% e demokratëve morën pjesë në votime ose 41.100. Nga këto 40.674 vota ishin të vlefshme dhe Lulzim Basha ka fituar me 32.882 ose 81%.

Basha ka fituar në çdo qendër votimit të numëruar deri më tani, përveç Selenicës ku fitues ka dalë Agron Shehaj me 17 vota më shumë se kryetari aktual.