Kryetari i grupit parlamentar të PS, Taulant Balla, përsëriti edhe një herë kërkesën e mazhorancës për opozitën në lidhje me Ligjit për Shkollën e Magjistraturës.
Balla i propozoi opozitës që ajo ta shkruajë amendamentin që e konsideron tw navojshwm dhe shumica do ta votojë.
“Partia Socialiste i bëri të gjitha përpjekjet për të garantuar votën e cilësuar në Kuvendin e Shqipërisë, pra 84 vota në funksion të rivendosjes në afat të një dispozite kalimtare që ka të bëjë me pranimet në Shkollën e Magjistraturës. Rishprehim gatishmërinë tonë që në seancën e parë të 3 shtatorit, pasi dielli dhe vera të ketë qetësuar shpirtart dhe mendjen e trazuara të opozitës, të votojmë bashkë me PD-në dhe LSI-në. Është pikërisht mundësimi i pranimeve të reja në Shkollën e Magjistraturës, për të mos vonuar një vit djem dhe vajza ekselente që kanë studiuar drejtësi dhe që i përmbushin kriterët dhe që sigurisht do të kalojnë konkursin profesional, me qëllim që 50 ndër ta t’i vijojnë studimet në Magjistraturë. Besoj që kjo rishprehje nga ana jonë e kësja katishmërie përmban në vetëvete edhe propozimin tonë për opozitën: le ta shkruajnë ata amendamentin dhe ne do ta votojmë”, citohet Balla nga oranews.tv.
Diskutime rreth kësaj post