“Bahhh, çfarë poshtërsish”, Manjani kap detajet në zhvillimet politike në 24 orët e fundit në vendin tonë dhe del me reagimin e papritur

Ish-ministri i Drejtësisë, Ylli Manjani nuk i ndal kritikat në lidhje me zhvillimet e fundit në vendin tonë. Sipas tij, vëmendja e opinionit publik po drejtohet vetëm në atë se çfarë tha dje Kim, apo nëse do të jetë apo jo në Kuvend në shtator Sali Berisha.

Postimi i plotë:

“Sa për ilustrim.

24 orët e fundit, opinionit mediatik në Shqipëri nuk i intereson më vjedhja e zgjedhjeve e konfirmuar shqeto nga Raporti i OHIHR!!!

Nuk i intereson fare madje as injorimi kriminal që qeveria i bën vendimi të Gjykatës Kushtetuese për çështjen e Teatrit Kombëtar. Dhunimi ekstrem që qeveria i bën Kushtetutës së vendit, jo e jo.

Sepse i intereson më shumë:

-ç’tha Kim?

-po Basha do përjashtojë Berishën?

-po Berisha a ja dhjeu mjaftueshëm Kimit?

– kush është me Kimin e kush me Amerikën?!

– kush është kundër Kim është kundër Amerikës?

– kush është kundër amerikës duhet të arrestohet!!!

etj etj budallëqe si këto…

Bahhh, çfarë poshtërsish!

Ndërkohë që qeveria dhunon e sundon ne, me ndihmën e paçmuar të zonjës Kim, merremi me mandatin e Berishës i cili nuk ka asgjë në dorë përveç qytetarit digjital.

Ja pra që IDIOTËSIA kolektive është e efektshme për qeverinë që të sundojë rehat.”-tha Manjani.