“Askush s’e ka vendin e sigurt!” Spiropali komenton deklaratën e kryeministrit

Elisa Spiropali ka komentuar deklaratën e kryeministrit se askush në Partinë Socialiste nuk e ka vendin të sigurt, ku tha se të gjithë duhet ta provojnë sa vlejnë.

“Nga i pari te i fundit nuk kemi pse ndihemi të kërcënuar, duhet të provojmë sa vlejmë, sa votohemi, sa japim për PS-në. Ne me vetëdije kemi zgjedhur këtë sistem, bëmë ndryshimet kushtetuese për të shtuar gjallërinë e jetës politike dhe njerëzit të zgjedhin njerëzit që duan. Edi Rama as heq dhe as vë, gjykon, sheh, pyet bën sondazhe dhe në fund pas këtij testi të gjithë ta kalojmë, dhe deri te deputeti i fundit do të jemi apo jo në lista në varësi të produktivitetit. Ne duhet të mendojmë për ata që na votojnë. Cfarë duan qytetarët dhe jo çfarë duam ne,”, theksoi ministrja në “AbcNews”.