Përfundon ndeshja e dytë e kampionatit europian ”EURO 2020”. Ndeshja e vlefshme për grupin A, midis Uellsit dhe Zvicrës është mbyllur në barazim, me rezultatin 1-1. Zviceranët kaluan në avantazh, në minutën e 49 me Embolo. Një pjesë e meritës shkoi për lojtarin me origjinë shqiptare Xherdan Shaqirin, i cili ekzekutoi një goditje perfekte nga këndi.
Në minutën e 74, Uellsi barazoi shifrën me Mur. Shtatlarti gjeti rrjetën me një goditje të bukur me kokë. Pak minuta para golit, Zvicra humbi Shaqirin për shkak dëmtimi. Grupi A udhëhiqet nga Italia me 3 pikë, pasi fitoi ndeshjen e parë me Turqinë, me rezultatin e pastër 0-3.
Diskutime rreth kësaj post