Operacionet e fundit të udhëhequra nga SPAK duket se iu kanë futur të dridhurat pushtetarëve dhe politikanëve të lartë në Shqipëri.
Një gjë e tillë paralajmëroi dje gazetari Artan Hoxha, i cili teksa paralajmëroi arrestime të bujshme nga Prokuroria e Posaçme Kundër Krimit të Organizuar dhe Korrupsionit, zbuloi se edhe aplikacionin që kanë nisur të përdorin politikanët pas aksioneve të SPAK nga frika se mos janë në përgjim.
Sipas gazetarit investigativ nën hetim janë shumë dosje që pritet të përfundojnë me arrestime të mëdha. Madje, Hoxha ka bërë me dije se në komunikimet e tij me zyrtarë të lartë i kërkojnë që të përdorin aplikacionin “Signal” që sipas tyre është pak më i sigurt.
“Duhet të ngjitet lart. Se unë i kam marrë për punën dhe thonë a ke “Signal” se ky program është i sigurt. Edhe zyrtarë të lartë. Flas me njerëz të kërkuar. Dhe sigurisht do flas me ta. Se sado që të mundohen, por çdo gjë është e përgjueshme. Sot mund të përgjosh çdokënd. Di që në SPAK ka hetime për zyrtarë të lartë. Me ato që kam parë synohet të goditet lart. Që nga maja deri në fund. Si rrufeja. Urojmë që SPAK të ketë suksese”, – deklaroi ai.
Nga ana tjetër, gazetari Hoxha foli edhe për kokainën nga Ekuadori që u kap në Portin e Durrësit. “Lënda narkotike ishte e vendosur në pjesën frigoriferike. Kontejnerët që sjellin banane në Shqipëri nuk janë të zakonshëm. Ajo që ra në sy ishte sasia e vogël dhe kjo do të thotë se është përdorur për të kuptuar se sa e sigurt është rruga. Kontejneri përpara se të ngarkohet me banane skanohet, i jepet një certifikatë garancie që trupi i kontejnerit është i pastër, ngarkohet me banane dhe qëndron në port në Gujakil. Gjatë qëndrimit, ndodh ngarkesa, pra ngarkohet në pjesën e jashtme dhe kodet hapen vetëm nga autoritetet portuale dhe komandohet nga jashtë”, – nënvizoi gazetari Artan Hoxha.
Diskutime rreth kësaj post