Policia e Kosovës ka konfirmuar se Ramadan Selimi, vëllai i deputetit të Vetëvendosjes Rexhep Selimi, është shoqëruar dje në stacionin policor për sulm ndaj policit dhe moszbatim të urdhrave.
Mësohet se ngjarja ka ndodhur dje ne Prishtine, ne orën 18:00 teksa policia ka ndaluar një makinë për shkelje të rregullave të qarkullimit, por më pas është zbuluar se në të udhëtonte vëllait i deputetit në Rexhep Selimi.
Ramadani nuk i kishte përfillur urdhrat e policit dhe e kishte sulmuar fizikisht zyrtarin policor me inicialet A.I. Pas këtij veprimi, ai është shoqëruar në stacionin policor.
Zëdhënësja e Policisë së Kosovës, Flora Ahmeti ka konfirmuar lajmin.
“Rreth orës 18:00 është shoqëruar në stacion policor një person për sulm ndaj personit zyrtar dhe mospërfillje e urdhrave të policit. Njësitet përkatëse në bashkëpunim me prokurorin kujdestar po merren me rastin”, ka treguar Ahmeti.
Vëllai i deputetit është liruar më pas për tu hetuar në gjendjet të lirë.
Diskutime rreth kësaj post