Arian Galdini: Ja çfarë është më e rrezikshme se sa vetë koronavirusi

Kreu i LRE-së Arian Galdini ka reaguar pas dy rasteve të prekura me koronavirus në Shqipëri. Sipas tij edhe në Itali ka 7000 raste në vit që vdesin nga gripi normal. Sipas tij, ky është virusi i parë me Facebook dhe Instagram, prandaj botën e ka kapluar frika.

Arian Galdini shkruan:

“Në Itali ka 6000 / 7000 raste në vit që vdesin nga gripi normal.

Koronavirusi nuk bën asnjë përjashtim nga normaliteti.

Thjesht është virusi i parë me facebook dhe instagram…

Prandaj ka zaptuar botën me frikë …

Koronavirusi, Koronavirusi thonë të gjithë por dëmi i vërtetë vjen nga paniku dhe i dëmtuari i madh është Ekonomia.

Sot po zbrazen Marketet, Supermarketet dhe Farmacitë e Shqipërisë, a thua se nesër do dali në rrugë Koronavirusi me rrjetë e do na gllabërojë të gjithëve…

Miq,

Duhet kujdes, jo panik.

Kujdes po.

As nënvleftësim, as mbivlerësim, as nënreagim e as mbireagim.

Kujdes, jo panik.

Do ta kalojmë edhe këtë.

Uroj pa dëme në jetë njerëzore e pa dëme në ekonominë tonë të brishtë.

Bekime të gjithëve.”