Fustani i këngëtares Anxhela Peristeri ka bërë jehonë në mediat e huaja, duke tërhequr vëmendjen maksimale. Këngëtarja me zërin brilant, kishte veshur një fustan të kuq, për të cilën është komentuar shumë.
Ajo mori vëmendjen e fotografëve dhe jo vetëm në parakalimin e saj në tapetin ngjyrë bruz, në të cilin morën pjesë gjithë konkurrentët e “Eurovision”-it për këtë vit.
Mediat e huaja shkruajtën se Anxhela me fustanin e kuq, është shpallur si e veshura më bukur. Nuk kishte si të ndodhte ndryshe, ku këtë trofe ta merrte falë mjeshtrit Valdrin Sahiti. “ËiëiBlogs”, portali më i madh i “Eurovision”-it, ka organizuar një sondazh për publikun për të përzgjedhur këngëtaren e veshur më bukur, dhe Anxhela ka mbledhur shumicën e votave.
Fustani i kuq, i çarë deri në pjesën e sipërme të këmbës i punuar nga Valdrin Sahiti, duket se i ka pëlqyer shumicës së publikut europian.
Lidhur me këtë trofe, një reagim është përcjellë nga ana e vetë këngëtares, e cila nuk ka nguruar që të shprehte falenderimet.
“Faleminderit nga thellësia e zemrës për mbështetjen tuaj, dhe që më keni votuar si të veshurën më bukur në tapetin bruz në Eurovision. Ja dolëm Valdrin Sahiti”, shkruan Anxhela në një postim.
Diskutime rreth kësaj post