Situata mes dy shteteve vazhdon të jetë e tensionuar. Një deklaratë e fortë vjen nga zëdhënësi i i partisë qeverisëse Partia për Drejtësi dhe Zhvillim (AK Parti), Omer Çelik, ku shprehet: Greqia tani është një shtet mashtrues në Mesdheun Lindor, duke tejkaluar dhe kapërcyer vijën.
Turqia nuk do të pranojë e as nuk do të falë asnjë veprim ose blof kundër politikës së saj “Atdheu i Kaltër” në territorin e saj detar, tha Çelik para përfaqësuesve të mediave pas një takimi të bordit të partisë, raporton Anadolu Agency (AA).
Në lidhje me veprimet e Francës në rajon, e cila ka mbështetur përpjekjet greke për të kufizuar Turqinë në brigjet e saj, ai tha se Franca nuk fiton asgjë duke sjellë mjete luftarake në Mesdheun Lindor ose duke mbajtur stërvitje me administratën e Qipros Greke.
Muajin e kaluar, dy aeroplanë luftarakë të Forcave Ajrore Franceze dhe një aeroplan ngarkesë C-130 zbarkuan në Qipron Greke, duke u bazuar në një marrëveshje të bashkëpunimit në fushën e mbrojtjes.
Nëse presidenti francez Emmanuel Macron përpiqet të tërheqë një vijë të kuqe në “Atdheun e Kaltër” të Turqisë, Turqia do të përgjigjet, shtoi Çelik.
Turqia ka argumentuar se palët duhet të ulen për dialog për të arritur një zgjidhje fituese për të dyja palët të bazuar në ndarjen e drejtë.
Greqia së fundmi ka kryer stërvitje ushtarake, përfshirë edhe me Francën, që synojnë të ndalojnë Turqinë në synimin e saj për të kërkuar energji, si dhe ka armatosur ishujt në Egje, duke shkelur traktatet e paqes, shkruajne mediat turke.
Marrëveshja e fundit e përcaktimit detar të Athinës me Egjiptin ka shkaktuar tensione të mëtejshme midis dy fqinjëve.
Qasja e Francës që inkurajon Athinën ka përkeqësuar më tej tensionet./AA
Diskutime rreth kësaj post