Avokati i njohur Altin Goxhaj pret që me partinë e tij të bashkohen të gjithë qytetarët që ndihen të papërfaqësuar nga partitë e vjetra, ndërsa u shpreh se synon që partia e tij të marrë nga 5 deri në 10 mandate.
Ai tha se nuk bashkëpunon me Nismën Thurje dhe deputeten Rudina Hajdari, pasi avokati mendon se ata janë lëvizje e Sorosit.
Deklarata e Goxhaj:
“Koalicioni qytetar për Shqipërinë është i qytetarëve, pas shumë peripecive ne jemi në një marrëveshje me partinë e Kreshnik Osmanit, për Atdheun dhe synojmë të jemi pjesë në zgjedhjet e Prillit. Lista do të jetë e përbërë nga qytetarët të cilët do të jenë dhe kandidatë për deputetë, alternativa jonë është antiestablishment.
Përveç nesh në këto zgjedhje do të jetë dhe lëvizja sorosiane Nisma Thurje, apo socialistët radikalë të Vetëvendosjes, është krjuar për herë të parë mundësia që qytetarët të mund të votojnë një parti që është jashtë establishmentit.
Ne duam që të krijojmë alternativë, ne nuk na shkon mendja që të jemi pjesë e qeverisjes, dhe të premtojmë vende pune. Ne besojmë se këta që janë në pushtet, PD dhe PS kërkojnë që të nxjerrin jashtë loje LSI, mund të ketë një marrëveshje të tyre për të bashkëqeverisur, ka qenë në plan që nga viti 2015, mjafton të shohësh për këtë mënyrën sesi opozita po mban qendrimet e saj në KQZ.
Edhe pse i kemi dorëzuar dokumentet KQZ ende nuk na ka regjistruar si parti, jemi në kushtet e një presioni esktrem, po luftojmë për një fushatë elektorale pa lekë, lëvizim me një makinë me gaz, që nuk ka shumë shpenzime. Ne besoj se mund të arrijmë nga 5 deri në 10 mandate deputetësh, e di që dikush mund të thojë që 10 nuk i arrijmë as për 100 vite, por iu them se në zgjedhjet e 2017 shumë qytearë u gjetën të papërfaqësuar.
Ne nuk bashkëpunojmë me Sorosin, dhe rrjedhimisht nuk bashkëpunojmë me Rudina Hajdarin dhe Nismën Thurje”, u shpreh Goxhaj për Fax News.
Diskutime rreth kësaj post