Albin Kurti befason me deklaratën: Më keni bërë kryeministër, më mirë të isha bërë kryeprokuror

Kryeministri i Kosovës Albin Kurti, ka befasuar me deklaratën e tij, ku thotë se “më keni bërë kryeministër, më mirë të isha bërë kryeprokuror”.

Këtë deklaratë Kurti e ka bërë gjatë një takimi, ku thotë se prokuroria dhe gjyqësia duhet të funksionojnë si duhet.

“Secilën ditë që po vazhdojë si kryeministër shpeshherë edhe duke e dëgju ministrin Hekuran po më duket që hala më e rëndësishme kish me qenë me u pa bo kryeprokuror. Po une kryeprokuror s’muj me u bë, a kryeministër m’keni bë ju, a kryeprokuror s’muj me u bo. Se për të ecë mbarë po nuk funksionoj edhe prokuroria edhe gjyqësia qysh duhet do të vonohemi shumë. Se këta me na nalë s’mujnë. Po, me na vonu po, ama gjithnjë e më pak e unë jom optimist që edhe në këtë pengesë ja dalim bashkë sikurse në të tjerat”, ka thënë Kurti.