Aksident në Fier, makina del nga rruga, katër të lënduar

Mesditën e kësaj të diele, një aksident i rëndë ka ndodhur në afërsi të kryqëzimit të fshatit Buzëmadhe të Fierit, ku si pasojë e daljes nga rruga të një mjeti, janë plagosur 4 persona.

Ngjarja ka ndodhur rreth orës 11:30, teksa shoferi me iniciale V. M., duke drejtuar automjetin tip “Benz” ka humbur kontrollin mbi drejtimin e mjetit dhe ka dalë nga rruga.

Për pasojë është dëmtuar drejtuesi i mjetit, pasagjerja R. M., 40-vjeç dhe tre vajzat të moshës 19-vjeçe, 14-vjeçe dhe 6-vjeçe, të cilët ndodhen në spital, në kujdesin e mjekëve.

Grupi hetimor po punon për përcaktimin e shkakut të aksidentit.