Aksident i rëndë në Klos, makina del nga rruga dhe përfundon 30 metra në greminë (VIDEO)

Një makinë ku udhëtonin dy turistë francezë, ka dalë nga rruga në fshatin Xibërr-Hane të njësise administrative Xibërr, bashkia Klos.

Burime të sigurta bëjnë me dije që makina ka rënë rreth 30 metra në greminë.

Kanë qenë banorët e fshatit, ata të cilët kanë pikasur makinën që ka dalë nga rruga dhe pasi kanë mbërritur kanë konstatuar, se bëhej fjalë për dy turistë francezë të cilët i kanë nxjerrë nga makina ku ishin bllokuar.