Mjek infeksionist Arjan Harxhi i ftuar në studion e Ilva Now ka komentuar situatën aktuale të koronavirusit në vend. I pyetur me testimet që po kryhen në vendin tonë, mjeku Harxhi tha se filozofia e Organizatës Botërore të Shëndetësisë për testim të vazhdueshëm lidhet me gjurmimin e kontakteve dhe jo me testimet masive.
“Shembulli i Kinës është më perfekti, por mund të mos zbatohet aq thjeshtë në Shqipëri dhe Europë. Në Kinë arriheshin të identifikoheshin 100% të kontakteve që të gjurmohen kontaktet,” tha Arjan Harxhi.
Lidhur me imunitetin, Harxhi u shpreh se secili nga ne ka imunitet të ndryshëm dhe se mbrohemi nga imuniteti i lindur dhe i fituar.
“Ka rregulla që rrisin imunitetin, ushqyerja e shëndetshme, mbase është abuzuar pak me vitaminat, aktiviteti dhe mirëqenia fizike dhe psikologjike. Problemi është se na sapo e kemi filluar këtë situatë duhet parë me shumë kujdes shëndetin mendor, psikozat kolektive, ankthin individual dhe atë kolektiv,” u shpreh ai.
Mjeku paralajmëroi se kemi rrugëtim të vështirë në këto javë dhe këto dy muaj që na presin.
Diskutime rreth kësaj post