Nga qyteti i Elbasanit, ambasadori italian Fabrizio Bucci tha se zgjedhjet e 25 prillit janë një moment shumë i rëndësishëm, “kur populli vendos se nga kush dëshiron që të qeveriset”. Sipas tij, përballja e kandidatëve duhet të bëhet mbi fakte e programe dhe dhuna nuk duhet të jetë prezente në fushatën elektorale.
“Jam këtu sepse zgjedhjet për një vend demokratik janë një moment i shenjtë, shumë i rëndësishëm, momenti kur populli vendos se nga kush dëshiron që të qeveriset. Shqipëria për Italinë është një vend shumë i veçantë. Në Itali ka shumë interes për zgjedhjet e ardhshme. Ne nuk bëjmë tifozllëk për asnjërën parti, por për popullin shqiptar, bëjmë tifozllëk për Shqipërinë. Shqipëria meriton një kryeministër të zgjedhur nga shqiptarët, që zgjidh problemet e shqiptarëve, që sjellë Shqipërinë gjithëmonë e më shumë pranë Evropës.”-shprehet Ambasadori.
I pyetur se a ka qenë kryeministri Edi Rama i suksesshëm në qeverisjen e tij, ambasadori u shpreh:
‘Presim që shqiptarët të vendosin, nëse shqiptarët në zgjedhjet e ardhshme mendojnë se ky kryeministër ka bërë një punë të mirë do të votojnë për të, nëse shumica e shqiptarëve do të mendojnë të kundërtën do votojnë për një tjetër kryeministër.”, tha ambasadori italian per mediat.
Diskutime rreth kësaj post