“A është Jozefina Topalli pjesë e PD?”, Gazment Bardhi e thotë hapur

Numri dy i demokratëve, Gazment Bardhi ka komentuar në një emision mundësinë e rikthimit në parti të Jozefina Topallit.

-A është zonja Jozefina Topalli pjesë e PD?

-Padiskutim që po. Sa kohë që znj. Topalli ka qenë nënkryetare e PD, ka një kontribut te caktuar në PD, ka një karrierë shumë të mirë në PD. Ka përfaqësuar PD për disa vite si nënkryetare e Kuvendit, më pas për tetë vite si kryetare e Kuvendit, një zë i fuqishëm i PD. Ka marrë besim dhe mbështetje nga demokratët gjatë gjithë karrierës së saj brenda PD. Unë jam një demokrat i cili e ka mbështetur zonjën Topalli.

-Po sot?

-Sot, secili prej funksionarëve të lartë gjatë gjithë viteve, të PD ka detyrimin që të mbështesë demokratët e zakonshëm në Shqipëri.