Kryeministri i zgjedhur i Kosovës Albin Kurti tha se në 25 Prill, në zgjedhjet parlamentare që mbahen në Shqipëri do të vijë të votojë, duke shfrytëzuar në këtë mënyrë pasaportën e tij shqiptare.
“Unë do të vij të votoj në 25 Prill në Shqipëri”, – u shpreh Kurti, ndërsa ftoi qytetarët të votojnë 3 kandidatët për deputetë të Vetëvendosjes.
I pyetur në lidhje me marrëdhëniet që do të ketë me Tiranën zyrtare, Kurti tha se ato do të jenë më të mirat që një kryeministër i Kosovës ka pasur ndonjëherë.
“Unë do të kem marrëdhëniet më të mira që ka pasur një kryeministër i Kosovës me Shqipërinë. Do të takoj edhe drejtuesit më të lartë shtetërorë këtu dhe do të ndalem në takime në tre qytetet ku kandidojnë aktivistët e VV-së”, – tha Kurti.
Sa i takon gjykatës së Hagës, Kurti tha se ajo është e imponuar nga jashtë.
“Gjykata speciale në Hagë është e imponuar nga jashtë, dhe është instaluar për shkak të nga votimi të gabuar në Kuvend në datën 3 Gusht, ne kërkojmë që të kemi Gjykata normale në Kosovë, dhe me qeverisjen tonë të re do të rregullojmë imazhin e Kosovës duke sjellë drejtësi për qytetarët”, – u shpreh më tej Kurti.
Diskutime rreth kësaj post