Ish-Presidenti Bujar Nishani ka komentuar nismën e mazhorancës për shkarkimin e Presidentit Meta për shkelje të Kushtetutës dhe pjesëmarrje në fushatën elektorale.
Në nië intervistë për Report, Nishani u shpreh se Presidenti Meta nuk ka bërë ndonjë shkelje të rëndë të Kushtetutës, aq sa për t’u shkarkuar. Nishani tha se kjo sjellje e mazhorancës është një tregues se qeveria e ardhshme do të jetë arrogante.
Komenti i Nishanit:
“Presidenti gjykohet vetëm nëse ka bërë një krim dhe një shkelje të Kushtetutës, unë nuk kam parë asnjë rast të një shkelje të rëndë nga ana e Presidentit të Republikës dhe në gjykimin e presidentit duhet të jemi të kujdesshëm. Nuk duan që të heqin vëmendjen se mazhoranca, nuk ka ndonjë interes, se i fituan zgjedhjet, nuk është sjellje serioze, por paralajmëron qeverisjen arrogance që do ketë qeveria e re. Nuk është serioze dhe nuk ka për të arritur asgjë, se parlamenti nuk e shkarkon dot, por e vendos Gjykata Kushtetuese. Në gjykatën Kushtetuese nuk besoj se do ketë një vendim për shkarkimin e presidentit se nuk ka bërë një shkelje të rëndë”, tha Nishani.
Diskutime rreth kësaj post