Meteorologu i MeteoAlb, Hakil Osmani thotë se ditët në vijim kushtet atmosferike në vendin tonë do të përmirësohen duke i dhënë lehtësi edhe situatës së përmbytjeve që ka përfshirë vendin.
I pyetur për stuhinë “Filomena” në Spanjë nëse është e mundur që prej saj të preket edhe Shqipëria, Osmani tha se pritshmëritë janë që territori shqiptar të përfshihet nga masa të ftohta që vijnë nga pjesa veriore të kontinentit duke bërë që zonat malore të shkojnë deri në -10 gradë celsius dhe zonat e ulëta deri në zero gradë.
Për shkak të lagështisë priten reshje dëbore edhe në zonat e ultësirës perëndimore.
Kosova dhe Maqedonia e Veriut janë gjithashtu nën kushte të paqëndrueshme atmosferike këtë fillim-jave. Ashtu si në Shqipëri në vijim të javës priten ulje të temperaturave edhe në këto dy shtete.
Diskutime rreth kësaj post